علشان اعيش مرتاح !!!!!!

المفروض اكتب عن البداية
بس كل شئ حوليا بيقول ان دى النهاية
مش عارفة استمر فى الامل
ولا اياس مع اللى يأسوا قبل منى وضاعت حياتهم منغير ثمن
مهو برضة لو نجحت ولا قلت كلمة حق
برضوا هضيع منغير ثمن
اه يا زمن
مبقاش لاى شئ ثمن
واللى له ثمن صار الثمن اغلى من انه يندفع
طب ليه؟
ولا ليه اصلا السؤال والجواب موجود
زى عين الشمس  واضح ومالى  الوجود
ومفيش حراك وكلة بيعانى من الالم
وكلة بيقول امتى هنفوق
وهو نفسة لسه مفقش منة غير كلمات حسرة وندم
كلة بيقول وكلة بيتكلم عن العدم
مفيش جديد و كل واحد فى انتظار صلاح الدين
او اسطورة يجى يهز الزمن
شايل سيفة ويطير على ظهر خيلة !!!!
كان زمان وجبر
معدش فيه بطل ولا سيف ولا خيل
معدش فيه ابطالوكل واحد على نفسة قفل
وبقت الوصية  من اب لابنة
يا ابنى اقفل على نفسك بابك وخليك جمب الحيط
تعيش مستور  وتريح بالك !!!!
وياريت فى حد مرتاح البال
كلة مهموم مغموم وعاجز
والحق قدامة ومش طايل
او مش عايز
او حتى مش حابب يوجع دماغة
وياريتة قادر يعيش مرتاح
الا كل ما يبعد يلاقى نفسة من هم لغم يتعب
وتفنى حياته ويرجع للتراب
زى ما طلع منة لا عمل حاجة ولا عاش مرتاح
و ادى اخر الكلام
يا تبقى زيهم
يا اما تتعب وتتغير فتعيش مرتاح

صدقنى يا ابنى.........

صدقنى .... انا نفسى ارقص ويا السحابة العالية دى
اطير معاها والمس شذاها بايدية دي
نفسى اعيش وسط الخلق دية
منغير عتاب ولا لوم ولا الم
عايش غريب وسط نفسى
حالة صداع جوه دماغى بتفرتكة
وقصادى مليون طريقة اسلكة
تعبان من حالى وحالى تعب منى
ومفيش لا صوت ولا صدى اسمعة ويسمعنى
حتى الحيطان مبقتش ليها ودان
ولا عاد يسمعك ولا حد بيك دريان
عاشق لموج البحر
وفيه انا مركب صغير حيران
ملييش شراع ولا للبحر اخر ولا شايفلة شطئان


*************

وهنا انقطع حبل افكارى وتوقفت عن الكتابة
:D